تحقيقات وملفات

ترامب اوقف خدمات جوجل.لهواوى منع بيعها بأمريكا.منذ شهور

ليه وازاي ترامب أجبر جوجل على وقف تقديم خدماتها لهواوي؟!

👈 ثاني اجراء أمريكي ضد هواوي بعد منع بيعها داخل الولايات المتحدة من شهور قليلة!

👈 أمريكا من أيام قليلة وجهت خطاب شديد اللهجة للاتحاد الأوروبي تعلمهم فيه برفضها أي صفقة أوروبية صينية في المجال العسكري أو مجال الاتصالات.. وقالت إنها لن تتردد في فرض عقوبات اقتصادية على الاتحاد الأوروبي لو ده حصل!

👈 تريزا ماي اقالت وزير الدفاع البريطاني من أيام قليلة.. وقالت إن السبب تسريبه معلومات تمس الأمن القومي 😁

إيه هي المعلومات دي بقى؟!
المعلومات دي يا سيدي هي رغبة بريطانيا في التعاقد مع هواوي الصينية لبناء شبكات الجيل الخامس للاتصالات.. تخيلوا!!

👈 اقتصاديا.. لازم نربط بين زيادة مبيعات هواوي وانتشارها عالميا وبين تراجع كافة الشركات الأمريكية العاملة في مجال الاتصالات سواء ايفون أو غيرها.. لدرجة إن ايفون بدأت تخسر لأول مرة منذ إنشائها ✋

👈 فنيا.. هواوي شركة اتصالات (متكاملة) مش بتبيع موبايلات وبس.. لاء.. دي بتبني شبكات وبتعمل برامج وبتقدم بنية تحتية متقدمة وحلول تكنولوجية متميزة وبأسعار (لا تقارن) بأسعار المنافسين الأوروبيين أو الأمريكان.. وده سر الاقبال العالمي عليها 👍

لدرجة إن الدول الأوروبية نفسها بدأت تعتمد عليها في بناء شبكات الجيل الخامس للاتصالات وتجاهلت شركاتها الوطنية 👌

👈 سياسيا.. شركات الاتصالات المتكاملة اللي زي هواوي هي مستقبل الدول في ظل التحول الرقمي لكوكب الأرض.. وده أمر طور مفهوم السيادة الوطنية وخلاه يمتد إلى العالم الالكتروني ✋

ومش بعيد علينا اللي حصل من روسيا في الانتخابات الرئاسية الأمريكية الأخيرة.. وإزاي قدرت (عن طريق شركات الاتصالات) تختار رئيس أمريكا بنفسها ☺

👈 عسكريا وإستراتيجيا.. حروب الجيلين الخامس والسادس هيعتمدوا على تكنولوجيا الاتصالات في تصنيع الأسلحة واستخدامها والتحكم فيها.. يعني السلاح ممكن يبقى معاك وملكك لكن وارد جدا عدوك يسيطر عليه ويوجهه ضدك وتبقى قتلت نفسك بنفسك ☺

👈 عالميا.. الصين باعلانها عن مبادرة الحزام والطريق بدأت تخلق (كوكب) خاص بيها.. كوكب جديد بمؤسسات دولية جديدة بعملات جديدة وبديلة لكل المؤسسات الأمريكية.. الأمم المتحدة.. البنك الدولي.. صندوق النقد الدولي.. كل دي مؤسسات اتخلق لها بديل صيني خلاص ☺

ويمكن يكون الصراع الأمريكي الايراني و أحداث سريلانكا وميانمار كلها موجهة ضد المبادرة دي بالاساس.. تواجد عسكري في مناطق جغرافية تخص المبادرة دي لتحسين وضع وشروط التفاوض مع الصين 😌

👈 توقعاتي الشخصية..
هواوي لن تتأثر بقرار جوجل.. ويمكن في جهازها القادم تعلن عن بديل (صادم) لبرامج جوجل.. ويمكن وقتها جوجل اللي تتحايل على هواوي علشان ترجع تعتمد على برامجها مش العكس!

📢📢📢 وفي النهاية..

المستقبل (صيني).. صحيح أمريكا بتحاول تفرمل المارد بكل الطرق.. لكن الدول نفسها ملت من الغطرسة والغرور الأمريكي.. وكلها شايفة في الصين طوق النجاة اللي هياخد بإيدها بعيد عن بيت الطاعة الأمريكي

يعني المشكلة الحقيقية هي رفض العالم لأمريكا.. مش التحركات الصينية ذات نفسها يعني

دي حاجات لا ترامب ولا أمريكا قادرين يفهموها.. علشان كده هيخسروا كل الجولات القادمة أمام الصين في كل مكان في العالم ..منقول من الواتس

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى