بقلم الدكتورة : سارة عبد الرؤوف إسماعيل
ازاي أقدر احقق السعادة بنفسي ولنفسي؟
سؤال بيدور في أذهانا كلنا
انا نفسي اكون سعيد وفرحان في حياتي واعدي كل الصعاب بس مش عارف كل ما أقول خلاص الدنيا هاتضحكلي وخلاص المشاكل كلها هاتتحل ارجع ألاقي حاجه خبطتني وفوقتني وتقولي انت مش مكتوبلك الفرح طب لية؟
كل دية اسئلة اجابتها كلمة واحدة الرضا
اول طريق من طرق السعادة الرضا
ارضي بحالك وارضي عن نفسك اوعي تبص للي قدامك من بره بس اوعي تقارن نفسك بحد انت متعرفش ايه اللي مستخبي عنده
كل واحد ربنا ميزه بميزه مختلفه يمكن هو مش شايفها بس غيره نفسه تكون عنده
دور جواك ع مميزاتك قبل عيوبك وخليك واثق من نفسك
صارح نفسك بالحاجه اللي بتسعدك ودور عليها
حاول وعافر وابذل جهدك عشان توصل لهدفك لكن لو قابلك صعوبات ومطبات قوم من تاني وواوعي تيأس
مش معني انك ترضي انك تحط ايديك ع خدك ومتعملش حاجه لا ابدأ ودور علي الميزه اللي جواك دور علي موهبتك
لو مضايق وقرفان افصل شوية عن ضغوطات الحياة خدلك break اخرج ، كلم حد من الناس اللي بتحبها ، هاتلك اكله حلوه او مشروب بتحبه
نصيحة خليك مع الناس اللي بتضحك وسعيدة وعندها طاقة أيجابية السعاده عدوي وزمان قالوا جاور السعيد تسعد
ابعد عن المحبطين
السعادة قرار خد القرار وابدأ في تنفيذه
