بقلم دكتور : عمرو عبدالفتاح
بعد هدؤ العاصفه المثارة حول المهرجانات و معارك الفنان هاني شاكر …حبيت ادلو بدلوي انا كمان…
الحقيقه انا مش عاجبني اللي بيعمله الفنان هاني شاكر …وده اكيد طبعان مش معناه اني موافق علي المهرجانات..
اولا ..ليه مش عاجبني اللي بيعمله الفنان هاني شاكر؟
لان فيه طرق قانونية يتم التحرك بيها مع ناس متسابه من سنين لا يخاطبها احد فنيا من ايام احمد عدوية …
فقد فشلت المنظومه الفنية المصريه من خلق حالة فنية تستقطب الحجم المتزايد من الفئة الشعبية التي طغت عليها العشوائية…فلقت لنفسها الوانا فنية تتناسب مع ثقافة التكتك والعشوائيات..و بالطبع لم تقم الدوله باي دور رغم وجود وزارة للثقافه ومؤسسة اسمها الثقافه الجماهيرية وكله بلح…
طيب ايه الحل نسيبهم كده؟ لا طبعا…
لكن المنع والتصريح يجب ان يكون حسب ضوابط ومعايير وليس حسب الاهواء..
اولا الفن لا يمكن منعه ..زي الراب كده مهما اتحارب استمر …
لكن اولا يجب ان يتم معايير تنص علي خلو الاغاني من الايحاءات القدرة و البنود الأخلاقية والفنية الاخري ..حيث يتم ايضا وضع لائحة تنظم طريقة التعامل حال المخالفه بعقوبات تدريبية يتم تشديدها حال تكرارها وغرامات مالية ومنع مؤقت من الغناء..
من جهه اخري علي الدولة دعم المواهب الشابة المحترمة وعلي النقابة ان تعمل علي توفير الدعم اللازم للفنانين المتميزين لخلق بدائل اكثر احتراما واعلي جودة..
في النهاية لا يمكن ايضا تعميم راي حول المهرجانات فهناك العديد من الاغنيات الجيدة والتي استمع لها ملايين المستمعين من مصر والعالم ..
و في رايي اننا نظلم كثير الفنانين اللي بداوا حياتهم بالمهرجانات زي واحد اسمه عمر كمال Omar Kamal – عمر كمال اللي حسيت ان الراجل ده بيحاول يكون افضل و بيفكرني بالمحترم خالد عجاج اللي بداياته ايضا كانت شعبية بأغنية شكي حكي بكي و بعد كده اصبح واحد من اهم المغنيين علي الساحه…
المنع بغشومية وخلق معارك اكبر من حجمها لا يفيد الا بتسليم الضؤ علي من يسعي للاضواء…لكن العمل النقابه والتنظيمي يجب ان يكون وفق اليات و نظم وضوابط واضحه وقوانين منظمه مش ماشي مع التريند و فرقعات اعلامية…
والله الموفق والمستعان
