مساء الخير….
واللي لسه نايم ومش متابع أخبار الكوكب…
فخليني اقولكوا…
ومطولش عليكوا
.
* أمريكا….
النهاردة اجتمعت مع البنك الفيدرالي الامريكي وزود الفايدة 05٪
٪ علشان تقدر تلم الفضيحة … اقصد التضخم اللي عندهم ويتم انقاذ ما يمكن إنقاذة …
بس دا هيخليها طحينة على كل إقتصاديات الدول الناشئة…. وانيل من النيلة على دماغ الشعب الامريكي علشان دا هيزود الديون عليهم
ومحدش فاهم الدنيا رايحة فين….
* كمان فكوكب امريكا….
وزارة الطاقة والبترول الامريكية بتقول ان مخزون البترول الامريكي بقا ف أقل مستوى ليه من ٣٠ سنة ومحدش عارف يوقف النزيف ده
*كمان ف كوكب امريكا…
البنتاجون بدأ يتهور…. و بيعلن رسميا عن تدريب ٢٠٠ جندي اوكراني على مدافع الهواتزر …. يعني اسلحة ثقيلة وكدا
* كمان ف كوكب امريكا….
شركة ديزني لاند رافعة قضية على حاكم ولاية فلوريدا علشان اصدر قانون بمنع الشذوذ ف الحضانة … ف الحضانة ياولاد الكااالب
آه والله الخبر كدا ف فوكس نيوز
* كمان ف كوكب امريكا….
موقع ذا هيل الديموقراطي اللي هو تابع للديموقراطيين اللي المفروض بيمثلهم بايدن منزل مقالة امبارح بيقول فيها ان بايدن هيخلي كل الأمريكان يعانوا من فقر مدقع والاسعار هناك بتدبح الشعب الامريكي
وع الناحية التانية من الكوكب….
*ألمانيا…
المانيا فتحت حساب بالروبل ف روسيا علشان تعرف تستورد غاز وقالت للإتحاد الاوربي1 ان الاقتصاد الالماني لن يستطيع تحمل تكلفة قطع الغاز الروسي ..
دا مش كدا وبس …
دا كدا في ٩ دول اوروبية بتاخد الغاز بالروبل
* كمان فكوكب المانيا….
الحكومة الالمانية بتدعوا الشعب الالماني لتخزين الطعام والدواء علشان احتمال اللايام اللي جاية هتكون ايام سودة على دماغهم….. خد بالك دي المانيا اللي اعظم اقتصاد ف اوروبا
وع الناحية التانية من الكوكب…..
* إيطاليا….
الحكومة الإيطالية طلعت تصريح رسمي فهمي نظمي امبارح وقالت …
رحم الله امرئٌ عرف قدر نفسه واحنا
لو قطعنا الغاز الروسي الشعب الإيطالي هيموت من البرد ف الشتاء القادم…
وع الناحية التانية من الكوكب….
* تركيا….
حبيب قلبي امير المؤمنين وناصر المظلومين….
أردوغان طلع تصريح إمبارح وقال هنرجع كل اللاجئين السوريين لبلدهم وهنبتدي بترحيل مليون سوري ….
ما خلاص الحرب خلصت و اللي مش هيمشي بالزوق هنرحلة بالعافية
وهنخلي بس رؤوس الاموال….
عقبال ٦ اكتوبر يارب….
ما تاخد نفس القرار وترحل السوريين والسودانيين لبلدهم
وع الناحية التانية من الكوكب…
* المجر….
المجر دي دولة ف الإتحاد الاوروبي طلعت وقالت مستحيل نقطع الغاز الروسي وهندفع بالروبل وفكرة معاقبة روسيا بقطع الغاز دا ضرب من الخيال
اللي هو عايزة تقولهم يا بهااايم…. يا بهاايم
وع الناحية التانية من الكوكب….
* بيلاروسيا…
بيلاروسيا اللي هي حليفة روسيا و توأمها بتعلن عن مناورات حربية على طول حدودها ف الوقت اللي فيه السويد وفنلندا بتعلن عن انهم بيفكروا الانضمام للناتو….. ممم انضموا خلاص !!
طب سلام …. سلام….. سلام
وع الناحية التانية من الكوكب….
* كوريا الجنوبية…
كوريا الجنوبية بترقع بالصوت من صباحية ربنا علشان رصدت صاروخ باليستي مداه ١٠٠٠ كيلو وعلى ارتفاع ١٠٠٠ كيلو خارج الغلاف الجوي …
المصيبة ان كوريا الشمالية لحد دلوقتي ما أعلنتش عنه
وع الناحية التانية من الكوكب…
* مالي…
مالي دي ليها قصة طريفة شوية
مالي اللي بيتحكم فيها لحد امبارح حرفيا فرنسا…
بس امبارح مالي طلعت بيان فهمي نظمي رسمي وبتطلع الكارت الاحمر لفرنسا وبتوقف كل انشطة الجيش الفرنسي فغرب افريقيا
كدا روسيا بتقفل على فرنسا ف افريقيا
نقلة شطرنج فحتة تانية خالص
وع الناحية التانية من الكوكب….
* أثيوبيا….
أثيوبيا بتقول ان نظامها المصرفي وانظمة سد النهضة تعرضت لهجمة سيبرانية وعطلت كل حاجة
شوفوا انا ممكن اصدق نص الخبر ان بنوكها وقعت وهجمة سيبرانية وكدا انما سد النهضة ايه اللي يتعرض لهجمة سيبرانية …. هو شغال أصلا ؟؟؟
وبنوكها مفلسة ف قالك نجيبها ف سد النهضة علشان يبان قدام الشعب الاثيوبي اللي مش لاقي ياكل انهم فحرب مع مصر
بس ع الناحية التانية من كوكب اثيوبيا في خبر بيقول ان جيش التيجراي بيجمع قواته وبيلم وحداته وهيهاجم آبي أحمد تاني…
* كمان ف كوكب اثيوبيا….
أثيوبيا بتعاني الايام دي من اسوء موجة جفاف ف العالم وتسببت في موت الالاف من رؤس الماشية وبتهدد موت ٦ مليون شخص اثيوبي وبتناشد المنظمات الدولية انها تنقذهم من الجفاف
طبعا هيطلع واحد يقولي جفاف ف اثيوبيا وعندهم سد النهضة ومانعين المية عن مصر انا مش فاهم حاجة يا عم ؟؟؟
شوف يا سيدي……
أثيوبيا دي دولة بدائية جدا المية كلها والامطار كلها ف هضبة الحبشة يعني حتة كدا قد محافظة الجيزة انما باقي الدولة مفيهاش شبكة مياة شرب ولا محطات مية تنقل المية دي لاي حتة فباقي الدولة غير العاصمة بس اديس ابابا هي اللي فيها شبكة مية ومش كلها كمان
ولا عندهم حتى كهربا غير ف احياء معينة من اديس ابابا
مصر بالنسبة لأثيوبيا ف الخدمات ورفاهية العيشة زي بالظبط كدا لما تقارن المانيا بأي دولة من وسط افريقيا
وع الناحية التانية من الكوكب ….
* روسيا….
امريكا والاتحاد الاوروبي حبوا يوقعوا عقوبات على روسيا ويقطموا وسطها ويقفلوا محبس الغاز اللي بيحلب فلوس وعملة اجنبية لروسيا بس إتصدموا لما اكتشفوا ان روسيا وقعت مع الصين ف فبراير اللي فات…
يعني قبل الحرب بشهرين على اتفاقية توريد غاز ب ١١٣ مليار دولار
يعني روسيا مش محتاجة دولارات من اوروبا علشان كدا بتبيعلهم بالروبل
وقالتلهم بالفم المليان…..
اللي بياكل على ضرسة بينفع نفسة
* كمان فكوكب روسيا…
روسيا حظرت ٦٨ شخصية يابانية من دخولها الاراضي الروسية
الله…. هو إيه اللي دخل اليابان على الخط!!!
آااه منا نسيت اقول لحضرتك ان في جزر متنازع عليها بين اليابان وروسيا واليابان سيباها لروسيا من خمسين سنة وخلاص يعني اليابان معندهاش جيش ومش بتحارب حد وع الحياد من ساعة الحرب العالمية التانية
اذ فجأة اليابان امبارح اكتشفت اني في جزر متنازع عليها مع الروس وطلعت بيان انها مش هتسكت وهتصعد الموضوع ف الامم المتحدة…..
وع الناحية التانية من الكوكب….
*كوكب تحيا مصر…
وكالة RT نيوز الروسية اذاعت خبر ان الجيش المصري و الروسي عقدوا صفقة ضخمة جدا لإنشاء مصنع فمصر لإنتاج الدبابة الروسىه T90 فلاديمير فخر الصناعة الروسية…..
وأكد الخبر موقع إيجيبت نيوز …لحد كدا الخبر كويس ؟؟
لا مش كويس علشان الخبر دا لم يتعدى المحادثات مع الجانب الروسي ولم توقع عقود لحد دلوقتي
كمان الدبابة دي مع الحرب الاوكرانية طلع فيها عيب خطير جدا ان مخزن الذخيرة ف البرج بتاعها ..
ولما بينضرب عليها صاروخ جافلين بتنفجر تماما…. يعني مش بتعطل وبعد كدا تتصلح لا دي بتتدمر تماما ولحد دلوقتي صواريخ جافلين موقعة من ٤٠٠ ل ٥٠٠ دبابة روسية والروس بيحاولوا يحلوا العيب الخطير ده فيها….
انما الخبر الصح ان الجيش المصري عينه على تصنيع الدبابة الكورية K2. اللي هي النسخة المعدلة من الدبابة الالمانية واللي هي بتعتبر اقوى واذكى دبابة على وجه الكوكب
وخلاص وقع العقود مع كوريا الجنوبية على تصنيعها ف مصر
* كمان ف كوكب تحيا مصر…
الرئيس السيسي ذكر ان مصر ف حرب تطهير سيناء من الإرهاب تكلفت ٣٠٠٠ شهيد و١٢ الف مصاب وتكلفة مالية ٨٤ مليار جنيه
دي تكلفة حرب شاملة يعني مكنوش شوية عصابات ولا شوية صيع بشباشب..
لا دي حرب وجود اكون او لا اكون مع اجهزة استخبارات عالمية انتصر فيها الجيش المصري
* كمان ف كوكب تحيا مصر….
سكاي نيوز العالمية بتقول إن مصر هتبدأ ف إنشاء اكبر مشروع طاقة خضراء ف العالم ب استثمارات تقدر ب ١.٢٥ مليار دولار
خد بالك ان المشروع ده هينقل مصر عالميا ف سوق الطاقة ف حتة تانية خالص
كفاية كدا وتقعدوا بالعافية…..
🤍 يديمك 🤍
العفي محدش يقدر ياكل لقمته….
عبدالفتاح السيسي
والسلام عليكم ورحمة الله وبركاته
تحيا مصر
تحيا مصر
تحيا مصر
