عصفور… الكبير يضرب باللائحة الإدارية عرض الحائط لصالح المدير العام المعار من شركته السابقة

كتب : اسامه سامح

عصفور، وأثناء تفقده أحوال العاملين بالشركة إياها، لاحظ أعراض القهر تصيب المدير العام المثبت، وبالسؤال اتضح، إيه يا سادة، أن الكبير قام باستقدام مدير عام بنفس البوكس من شركته ليشغل هذا المكان بالشركة إياها. طيب، والمدير المثبت يعمل إيه ويشتغل إيه!!!!

طبعًا مش مهم، الظلم والقهر أهم حاجة المدير القادم يتظبط ويشغل نفس اختصاصات المدير المثبت، لا وإيه، يتفضل له مكتب… طيب، مفيش مكتب فاضي بالشركة؟ برضه مش مهم، وتطلع الإدارية تفضي مكتب غصب عن الكل علشان المدير القادم.

ياريت القصة تنتهي عند كده، لا طبعًا، يقوم الكبير يأمر مسؤول المرتبات المغلوب على أمره إنه يسكن المدير القادم بنفس المرتب الأساسي بتاعه اللي جاي بيه، والمعروف والمتبع إنه يتسكن بنفس مرتب قرينه بالشركة، وطبعًا ضرب باللائحة الإدارية الخاصة بالمرتبات عرض الحائط، وأعطى أوامره بتطبيق نفس الأساسي اللي جاي بيه، وطبعًا الأساسي كبير، وكل ده علشان إيه يا عصفور؟ إن المدير القادم من شِلّته في شركته السابقة، وعايز يدفع أقساط السكن الفاخر الذي يملكه…. هل يعقل هذا؟؟؟؟

يعني بدل ما تحافظوا على أموال الشركة وتطبقوا اللوائح، تقوموا بتكسير كل ده، وطبعًا ضاعت أموال الشركة اللي بتاخد تمويلها من الهيئة….. هل لهذه الدرجة استُبيحت الحقوق واللوائح بأوامر الكبير؟؟؟؟؟

عصفور… الموظفون بالشركة اللي يرفعون أيديهم لله أولًا ثم المسؤولين في الوزارة للتحقيق في ذلك وتطبيق اللوائح الإدارية والمتبعة في القطاع، وطالما فيه مدير عام مثبت لماذا استقدام آخر؟ كلها أسئلة تحتاج لإجابة.

واللي اختشوا ماتوا.

عصفور، انتظرونا وقصة جديدة في الشركة إياها.