بقلم
د صلاح هاشم
ما عادش الموت هو أكتر حاجة بتخوف الناس ..أظن أن الحياة أصبحت تخوف الناس أكتر ..!
الناس مش محتاجة بس لخطب تخوفهم من حساب ما بعد الموت.. وتعلمهم ازى ممكن يعملوا حسابه من دلوقت، وطول ماهم عايشين ..
أعتقد أنهم محتاجين الأول لخطب وبرامج ومناهج وأفلام وحاجات كتير تعلمهم ازاى يقدروا يواجهوا الحياة من غير هزيمة ووجع، ويتغلبوا على كل العقبات اللى ممكن تواجههم من غير ما ما يفكروا فى الموت، ومن غير ما يكون الموت هو الحل الوحيد أو الأسهل لمواجهة صدامات الحياة ..
فالحياة زى ماهى نعمة هى كمان امتحان، يا إما نعديه بسلام يا إما نسقط ..والسقوط فى الحياة معناه إنك تشوف الجحيم بكل أشكاله ..!
وبالتالي زى ما أهلنا أولادنا لاختبارات الدين والفيزياء والكيمياء واللوغارتمات واللغات والتفاضل والتكامل، كان لازم نأهلهم لامتحانات الحياة .وبلاش نتعامل مع امتحانات الحياة على أنها امتحان قدرات، معتمدة بس على المواهب الشخصية لكل مواطن ..!
