همسات

أحن ليه

بقلم الشاعرة: مروة احمد
بيسألها محنتيش فى يوم البعد لساعة وصل
وواخده جنب وباعده عنى وناويه هجر
ولاقولتى هبعد ولا عاتبتى ولا عندى علم
ليه تاخدى جنب وتبعدى انا مش مهم
تتعالى ليه وشايفه نفسك
من اد ايه واقول اسيبها فى يوم تحن
احن ليه وانت حبك كله هزل
انا خدت ايه من وصل قربك غير شوق وهجر
انا قلبى يعشق يدوب ويتعب وانت مفيش
عنيك وقلبك زى الفراشه على كل زهره عايز تعيش
دى روحها حلوه ودى عيونها وحاجات كتير
مش لاقى حاجه توقفك ولا قربى منك عرفك
انى بكتير. ايوه بكتير
انا لوحدى بكل دول انا شايفه نفسى اه شايفه نفسى
عيونى حلوه وروحى حلوه و جميله جداا وحاجات كتير
مش ده اللى بتدور عليه ولا انت تعرف اصلا انت عايز ايه
واما اجى ابعد تلوم وتعتب وملكش حق
متلومش بعد وانت حبك كله هجر
ولا قلت لى فى مره كلمه تودنى ولاعمر قلبك حبنى
ساعات احس انك مش بتحبنى بتحب بس حبى ليك
بتحب قلبى عشان شاريك بتحب نفسك فى حبى ليك
مش دى الحقيقه لأ دى الحقيقه
وانا غاليه عندى وقلبى غالى زى الفريك مليش شريك
اتحب وحدى ويداب فى حبى وتتمنى وصلى وتتعب كتير
وده مش كتير عليا ابدا ولا يجى ذره فى تقديرى ليك
ولا حبى ليك
ولا سهره يوم مايجيلى نوم من شوقى ليك
احلم بهمسك واتمنى لمسك واحس حضنك لو من بعيد
اتخيلك فى عيونى جايلى تقول بحبك من كل قلبى
تقولى عايزك وشاريكى انتى ولا حد غيرك
لاعشان عيونك ولا حتى قربك ده عشان بحبك
من كل قلبى حب وكبير
فى يوم حبيبى ما يكون ده ردك ويكون ده حبك
اكيد هتمنى فى البعد وصل مش ساعه واحده ساعات كتير

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى