يامرتضي يا منصور ياناس اوعوا تلوموني لما اكتب عن مرتضي منصور هو يعني ناقص شهرة ده كفاية انه مرتضي منصور لكن هكلمكم زي اي زملكاوي طول عمره كان مقهور من اعلام فاسد وادارة كورة من بنها وطز فينا نغور المهم اﻷهلي يكسب وجمهوره يفرح ويعيش مسرور الزمالك عمره مافيه اتحاد كورة وجه نصفه والكل عايش الدور اﻷهلي يكسب بمجهوده بالحكام المهم هو يكسب ويكون منصور بعديها الزمالك ياخد التاني او التالت ولا يهمك كأنه مالوش جمهور أو كان جماهيره دول صهاينة ومش في البلد دي بيمضوا حضور لحد ما جانا مرتضي ولد منصور أسد جسور لا بيهادن ولا يماين في حق الزمالك أسد وجسور يموت ولا فريقه يضيع حقه حتي لو عاند مسئول بكبر وغباء وغرور او جبن وعدم جرأة منه وجسارة وبيحاول يعيش علينا الدور وعلي مين يابني ده جهور اﻷبيض الملكي ومن غير كبر اوحتي غرور محدش بيفهم في الكوره زي جمهورنا ولو فيه مسئول مرتعش مزعور وخايف يدي الزمالك في اي نزاع محتدم حقه في لحظة بيكشفة الجمهور او مسئول عنصري بيخدم علي اﻷهلي في كبر وغطرسة وغرور لما قتلوا روح المنافسة علي كل بطولة يصييها الدور واصبح الدوري محسوم وللأهلي تسع سنين والصراع فقط هبوط وحضور وكأن الدوري للأهلي اصبح أمن وشعار قومي وسعيكم مشكور ونظام ثابت ومش مسموح معاه تغيير او اختلاف في الدور وكأن شعار الكورة مكسب وخسارة كلام فاضي وسخيف مهجور يخص الدنيا بحالها عدا اﻷهلي وثقافته انصهرت مع الجمهور بقي حاسس ان فريقه لايهزم ولا يغلب وماعداه يعيش مقهور بقي النادي عند كتير منهم اهم من الوطن في غرور واﻷهلي فوق الجميع شعار فوق مستوي الدستور يااخوالنا اﻷهلي فوق جميع اولاده ادارة لاعبين او حتي كمان جمهور مصلحة النادي فوق الجميع ده المعني واسألوا صالح سليم عليه الف رحمة ونور مرتضي منصور اول رئيس يدافع باستماته عن النادي في الضلمة او في النور مرتضي اصبح ايقونة نادي الزمالك وانجازاته باقية في كل العصور يمكن بنعتب عليه لما يغضب زيادة وينفعل ويثور وبعض الفاظ يمكن تكون جارحة او خارجة عن اﻹطار والدور رغم استفزازه من اعلامي ممكن يكون فاسد ومغرض سخيف موتور لكن هييقي ابو احمد اوحتي ابنه أمير رمز النضال منصور شكرا ليك يامرتضي معالي المستشار ياوقور ماتخليش حد يخليك في لحظة تنسي انك مستشار ووقور وتقاليد القضاء تخليها دايما نصب عينك طول أزمنة ودهور ويخليك لنادي الزمالك تدافع وتخرج من بعدها منصور ﻷن الزمالك مش طالب غير الحق واﻹنصاف والعدل وكاره اي ظلم او طغيان او جور علشان كدة البطولة عنده بألف بطولة من بطولات حكام او بالشهود الزور علشان كدة هيفضل جمهور الملكي هو اﻷرقي واﻷوفي ومهما الزمان هيدور لاهيغير عشقك وتشجيعك وحبك في القلوب محفور وبيك نباهي الدنيا ونتفاخر وم الآخر بطول الزمان منصور وتعيش ويعيش درعك ويعيش سيفك وطبعا بنقصد مرتضي منصور حسام يحيي الزملكاوي
