بقلم: الدكتورة نهلة السعدى
رمضان مش بس شهر الصيام لكنه كمان فرصة حقيقية لإعادة ترتيب الأولويات وتحقيق التوازن بين الشغل والروحانيات لكن بالنسبة للمُديرين الشهر بيشكل تحدي في الحفاظ على الأداء العالي مع مراعاة إحتياجات الموظفين الصائمين فإزاي الإدارة تقدر تستغل رمضان لتعزيز الإنتاجية وتحفيز الفريق
١- المرونة في ساعات العمل
قلل ساعات العمل أو عدّل الجداول علشان تناسب أوقات الذروة الإنتاجية.
فكّر في نظام العمل عن بعد لو الشغل يسمح خصوصاً في الأيام اللي بيكون فيها الإرهاق أكتر.
خلي الإجتماعات الضرورية في الصباح وإتجنب الإجتماعات الطويلة في آخر اليوم.
٢- خلق بيئة عمل إيجابية
خفّف من المهام الشاقة وقت الصيام ووزّعها بذكاء على مدار اليوم.
شجّع العمل الجماعي بدل الشغل الفردي علشان الموظفين يساعدوا بعض.
وفر أماكن مريحة للإستراحة خلال اليوم علشان الموظفين يقدروا يريحوا شوية.
٣- التحفيز والتقدير
كلمة شكر ممكن تفرق كتير خليك حريص على تقدير جهود فريقك.
فكّر في مكافآت رمضانية بسيطة زي بونص قسائم شراء أو حتى إفطار جماعي.
حافظ على الروح الإيجابية في الشغل علشان الناس تشتغل بنفسية أحسن.
٤- إدارة الطاقة بدل الوقت
ركّز على جودة الشغل مش عدد الساعات.
خلّي المهام اللي محتاجة تركيز في الصبح والأعمال الروتينية بعد الظهر.
أسمح للموظفين بتنظيم وقتهم بالشكل اللي يخليهم أكتر إنتاجية.
٥- تعزيز القيم المؤسسية
رمضان فرصة لتعزيز قيم التعاون والإنضباط والمسؤولية الإجتماعية.
نظّم أنشطة خيرية يُشارك فيها الموظفين زي حملات التبرع أو إفطار الصائمين.
دي الحاجات اللي بتخلق روح فريق أقوى وتزيد الإنتماء للمؤسسة.
٦- تواصل مُستمر وواضح
وضّح للموظفين التوقعات خلال رمضان علشان يكونوا عارفين المطلوب منهم.
قدم نصائح لتنظيم الوقت وإدارة المهام بفعالية.
خليك مُتاح للدعم والإستماع لأي تحديات بيواجهها الفريق.
إدارة فريق العمل في رمضان محتاجة مزيج من المرونة التخطيط الذكي والتحفيز.
لما تهتم براحة فريقك وتّخلق بيئة عمل داعمة الإنتاجية مش بس هتفضل ثابتة لكنها مُمكن تِزيد وكل ده في جو من التفاهم والإحترام للشهر الكريم.
