بقلم :الشاعرة حنان إبراهيم الكاشف
إزاي وليه كده
الضرب في الميت
حرام بالشكل اده
عرق العفيف زيت
*إزاي وليه حرام
جوف الكريم مرر
سارح زي الجزام
طب إمتى يتحرر
*أزاي وأيه الحل
ولإمتى هنضحي
الصبر طعمه خل
والغم زاد جرحي
*إزاي قولولي ازاي
سموها محروسه
حياني يا ولاد جاي
م الكبت مفروسه
*على مين وهنميل
ورد الربيع غيم
قالوا الندي قيل
جوا الظلام خيم
*خلاص مفيش سؤال
كل الجواب ضدي
أرضى بهذا الحال
ولا أكون وحدي ؟
