1-طالما انت شخص مش متخصص…أرجوك متتكلمش عن الانتحار في بوست عالنت…الانتحار مرض معدي
بعد انتحار مارلين مونر نسبة الانتحار في امريكا زادت 21% وبعد 13Reasons why زادت بنسبة 30 %
البوست اللى بتكتبه على الفيسبوك أو الصفحة اللى بتساهم فى نشرها ممكن جدا تكون قوة الدفع الاخيرة تجاه الإنتحار لشخص ما معرض أصلا نفسيا الإنتحار
2-لو حد قالك في نص الهزار انه بيفكر ينتحر..المفروض تاخده علي جنب بعديها وتقوله انا عارف انك بتهزر وكده بس لو محتاج حاجة انا معاك لأن معظم اللي بينتحروا بيقولوا للناس انهم هينتحروا بس محدش بيصدقهم (ولو هو attention seeker مش هتخسر حاجة)
3- الدين والتقرب من ربنا اكيد حاجة هتخلي نفسيتك كويسة بس ده مش علاج الاكتئاب والا كان كل الملحدين مكتئبين (ولو في حد سمع من فترة كان في حالة انتحار في الحرم في مكة)
4–^^الإنتحار مش اختيار شخصى^^
الشخص المكتئب …كيميا مخه مش زي الطبيعي فبالتالي مش بيفكر زي حضرتك….ينفع تقول لحد مدمن بطل فعلطول يبطل….مالاخر اللي بيوصل لقرار الانتحار ده بيكون عقله في Mood عمر ما حضرتك مريت بيه (ربنا يعفينا) فهو مش بيفكر بشكل منطقي زي الناس العادية (بص للصورة اللي تحت)
5- كثرة موضة البوستات بتاعة موود الحزن والاكتئاب اللي بقت بتنزل كسخرية وهزار أدت الى اننا مش بناخد بالنا من البوستات الحقيقية.. اننا بنشوف حد بيقول هيقتل نفسه.. ولا نحرك ساكنين..
6- اي حد قالك انه بيفكر ينتحر حله الوحيد عند الدكتور النفسي لازم تقنع بكده(انا اتسألت السؤال ده من 3 اشخاص النهاردة )
7- بلاش حد يشير الفيديو او صورة …عشان ممكن اي حد يشوفه يجيله PTSD اضطراب كرب ما بعد الصدمة
8- ملناش دعوة حرام ولا حلال دي بتاعة ربنا.. بس انا مقتنعة باللي د.هشام الششتاوي قاله…. ان ده شخص معندهوش نفس المخ بتاع الشخص العادي عشان يتحاسب زيه…انا بتكلم علي المريض اللي بجد…وطبعا ربنا الوحيد اللي هيفرق مابينهم
8-المرض النفسي زيه زي أي مرض طظ في أي وصمة المجتمع حاططها
10-البوستات الوحيدة اللي المفروض تتساب عالنت علي الانتحار بتكون بوستات توعية دي الوحيدة اللي ببتقلل نسب الانتحار.
