مرتضي منصور يطالب بمساواة الزمالك بالأهلي في عقد الرعاية

كتب: علي حمدي

طالب مرتضى منصور، رئيس مجلس إدارة الزمالك، بمساواة ناديه بالنادي الأهلي في قيمة حقوق الرعاية وبيع البث الفضائي.

وأوضح منصور أن الزمالك معروض عليه 70 مليون جنيه في السنة الواحدة للبث الفضائي و40 مليون جنيه في الموسم الواحد لحق الرعاية، وهو ما يقل بنسبة كبيرة عن النادي الأهلي.

وقال منصور في تصريحات عبر قناة ناديه: “عقد رعاية الأهلي (وش الفانلة بس) بـ 100 مليون جنيه، (ده غير الكتف والضهر والشورت)، إجمالي قيمة العقد مليار و400 مليون جنيه”.

وأضاف: “الزمالك معروض عليه 70 مليون في السنة الواحدة، وإجمالي 280 مليون جنيه في 4 مواسم، (مش هاخدهم.. مش هاخدهم.. أنا زي الأهلي) “.

وتابع: “هل يصح أن أحصل على 280 مليون جنيه، والأهلي يحصل على  مليار و400 ؟ (لأ مش هاخدهم.. مش هوقع.. حد غيري ييجي يوقع) “.

وأكمل: ” (70 مليون في السنة كل الفانلة بالشورت وانت وش الفانلة بس بـ 100 مليون ؟ هو فيه ايه يا جماعه، ماهو ده الافتراء) “.

وأتم مرتضى: ” (البث الفضائي 70 مليون جنيه والرعاية بـ 40 مليون جنيه، يعني تمن وش الفانلة بس للأهلي، لأ أنا واخد الدوري مرتين ورا بعض وكأس مصر) “.