بقلم-اسامه شحاته
السيسي أنفعل علي ضابط جيش بسبب أنه ما وزعش كمامات علي العمال
الرئيس : انتوا عمال المقاولين ؟
العمال : ايوه يا فندم
الرئيس : مين المسؤول هنا فين المسؤول
الضابط : تمام يا فندم
السيسي: انت المسؤول مش قولنا يتوزع عليهم كمامات ببلاش ؟ رد عليا ؟ الله هو انا بقول الكلام ما بيتنفذش ليه
الناس دي أجرتها كام ؟ لما يقعد في بيته هيروح يصرف منين ؟ رد عليا … فين المدني المسؤول عن الكلام ده ؟
المدني مين ؟
الضابط : موجود يا فندم
الرئيس : وزع عليهم يابني كمامات
انا لو جيت بكره جاي بكره للمقاولين لو ملقتش الناس لابسه الكلام ده هيبقي في مشكلة كبيرة وبلغ الكلام ده
فاهمين ولا مش فاهمين ؟
الموقف متصور بتلقائية وبكاميره موبايل ومن غير الرئيس ما ياخد باله ده رئيس حاسس بالناس وبالعمال وخايف عليهم ما عملش نفسه مش واخد باله وخد العربية ومشي ده بياخد باله من كل تفصيله
ده مش كدا وبس ده كمان ما بيقعدش في بيته ما قعدش يتابع وهو قاعد ف بيته وخاف ع نفسه ده نزل يشتغل زيه زي العمال هما بيشتغلوا وهو بيقولهم وانا كمان بشتغل زيكم وخايف عليكم .. بزمتكم شوفتوا كدا في الدنيا ؟
انا هسيب الرد ليكم وخلوا الفيديو ده يلف الدنيا يمكن الناس تفهم ان الراجل ده فعلاً بيحب شعبه وناسه وبلده
