مفاجأة| حمادة هلال يفضح برنامج رامز جاب من الآخر: كنت عارف أنه مقلب

جوهر الجمل 

كشف الفنان حمادة هلال  عن مفاجأة من العيار الثقيل عن كواليس مشاركته في برنامج “رامز جاب من الآخر” الذي يقدمه النجم رامز جلال في حلقه جمعته بالفنان أحمد فهمي.

جاء ذلك خلال لقاء حمادة هلال في برنامج “الراديو بيضحك” مع الإذاعية فاطمة مصطفى عبر إذاعة “الراديو 9090″، حيث قال: “روحت البرنامج قبلها بـ8 ساعات، جالي تليفون لازم تسافر لدبي هتروح لرامز جلال، عجبني فكرة البرنامج أنه خلاص رايح أقابل رامز وعارف أنه مش هيسيبنى، وهناك فعلا مش بيقولوا إيه المقلب، لكن عرفت أن أحمد فهمي هيكون معايا عشان منبقاش كدابين”.

وتابع حمادة هلال: “انا مفيش مشكلة بيني وبين أحمد فهمي، فكانت حلقة مختلفة وآخر حلقة اتصورت، لما شفت الكلب اتخضيت بس أنا مخفتش منه فجأة لقيتني وقفت، لأن إحنا كان عندنا في “المداح” كلب شبه وبقيت بسأل دا إيه اللي جابه هنا هو دا المقلب، حتى السير اتحرك ووقعني، كانت حلقة حلوة وانبسطت وكنت في فترة ضغوط تصوير “المداح” لكن الحلقة فرحتني، اتمرمطنا جامد ونزلنا في مايه متلجة، وأخدت ضربه جامده في راسي”.

واختتم حمادة هلال حديثه قائلا: “رامز أروح له في أي حته، طالما البرنامج إحنا مش بنمثل على الناس بتبقى المصداقية بتاعته عالية، أنا روحت لـ “رامز قرش البحر” مكنتش اعرف أنه رامز وانفعلت في آخر الحلقة انفعال عمري ما حصل في حياتي كانت لحظة صعبة، وبرامج رامز معظمها الناس متعرفش”.

الجدير بالذكر أن النجم حمادة هلال ينافس في رمضان 2024 بمسلسل “المداح4-أسطورة العودة”، ويشاركه البطولة مجموعة من النجوم وهم فتحي عبد الوهاب، هبة مجدي، دنيا عبد العزيز، خالد سرحان، محمد عز، حنان سليمان، تامر شلتوت، صبحي خليل، مع ظهور خاص لبعض النجوم مثل سهر الصايغ، مي سليم، دياب، حمزة العيلي.

المسلسل تأليف أمين جمال، وليد أبو المجد، شريف يسري، وإنتاج سيدرز آرت برودكشن (صباح إخوان)، ومنتج منفذ شركة أجورا ميديا للإنتاج، إخراج أحمد سمير فرج.