بالفيديو| محمد سامي يخرج عن صمته: “عفاف شعيب كدابة وأنا بإحترم سنها”
محمد سامي: عفاف شعيب اتهمتني بالباطل وموضوع ظهرها محصلش
خرج المخرج محمد سامي، عن صمته ليرد على اتهامات الفنانة عفاف شعيب له في وقت سابق أثناء مسلسل “آدم”، حيث قالت أنه أجبرها أثناء التصوير على الصعود لسيارة الشرطة رغم شعورها ببعض الآلام في ظهرها.
وقال سامي، خلال استضافته ببرنامج “أسرار” مع الإعلامية أميرة بدر المُذاع على قناة النهار: “قصة عفاف شعيب كلها كذب، وأنا بحترم سنها لانها ست كبيرة، وهي اتكلمت كلام كتير كله كذب، القصة الحقيقية أننا مرة كنا بنصور مسلسل آدم ونفس الوقت بيتصور جنبنا مسلسل اسمه دوران شبرا، والأستاذة عفاف استأذنت قالتلي اخويا تعبان ومسافرة أعالجه، قلتلها تمام، وانا بصور بالصدفة كلمني صديق صدفة اسمه جوزيف قالى تعالى عدي عليا انا بصور مشهد لـ عفاف شعيب، وعرفت انها ف استوديو ورانا، وموضوع ضهرها ده محصلش”.
برنامج “أسرار” تقدمه الإعلامية أميرة بدر على شاشة النهار يومياً في تمام الساعة التاسعة مساءً، تستضيف من خلاله عدد من نجوم الفن والرياضة والسياسة في مصر.
الجدير بالذكر أن المخرج محمد سامي كشف عن وجود خلاف سابق له مع الفنان تامر حسني قائلًا: “مرة حصل بيني وبين تامر خلاف كبير والناس متعرفش الموضوع ده، وكنت بعدها مفتقده جدًا، لحد ما شفته صدفة وضحكنا لبعض، وقلتله مفتقدك جدًا في المكالمة الساعتين اللي نصها ضحك، لأنه أخف دم في العالم”.
وتابع سامي: “أنا أكتر واحد اشتغل مع تامر حسني في الوطن العربي، عملت معاه اعلانات وكليبات ومسلسل، ازاي مفيش بيننا كيميا، وبعدين تامر دلوقتي مخرج زميل، وكله إلا تامر حسني، أنا عندي الوسط الفني في كفة وتامر في كفة”.
مضيفاً: “انا كلمت تامر حسني لما اختلفت في وجهات النظر أنا وأنغام في مسلسل نسل الأغراب، وعملي أغاني قيمتها ملايين من غير ولا مليم، ونزل بات في الاستوديو كأنه مسلسل بطولته”.
