تفاصيل خلاف عصام كاريكا ومحمد سعد.. والسبب “بوحه”

كتب_جوهر الجمل

حل الفنان عصام كاريكا ضيفاً علي الإعلامية مني الشاذلي في برنامج “معكم” المذاع على قناة ON، وفي سياق اللقاء تحدث كاريكا عن خلافه مع النجم محمد سعد الذي بدأ منذ ما يقرب من 15 عاماً والسبب كان فيلم “بوحه”.

وأكد كاريكا خلال الحوار أنه لم يتعاون مع الفنان محمد سعد من أيام فيلم “بوحه” بسبب إحدى أغنيات الفيلم، حيث غيّر سعد في كلمات الأغنية بطريقة غير منطقية، رغم تعاونهما في 4 أفلام سابقة، قائلا: “حصل خلاف كبير جداً ومن ساعتها متعاملناش تاني.. الأغنية الأساسية بتقول: أول ما عرفت إنك عاوزني جيت أوام مقدرش استغنى عنك يا معلمني الغرام، واقولك برضو إني ياللي في بعدك ناسيني أؤمرني هتلاقيني تحت السلم بنام”.

مضيفاً: “هي كده.. دي قافية مظبوطة.. لكن وإحنا في الاستوديو.. سعد قالي لأ.. نشيل (هتلاقيني تحت السلم بنام) ونخليها (سجادة بين إيديك).. فقلت له مينفعش لازم تبقى مظبوطة، قالي لأ عاوزها كده وزعل وكان هيمشي”.

كما أكد كاريكا أنه تواصل حينها مع المنتج وائل عبد الله، قائلاً : “كلمت المنتج وائل عبد الله.. قلت له محمد سعد بيغير الكلمات لحاجة مش فاهمها.. فقالي عشان خاطري والنبي مشيها، الفيلم واقف.. فعملناها ومشيت.. لسه زعلان لحد الآن وببقي هموت كل ما اسمعها”.

ومن جهة أخري كشف الفنان عصام كاريكا عن الأغنية التي ندم عليها في مسيرته الفنية، قائلاً: “زعلت من نفسي وندمت على أغنية (حب إيه) في فيلم (اللمبي).. لو رجع بيا الزمان هرفض أعلّم جيل جديد (حب إيه) بالطريقة اللمباوية مش بطريقة أم كلثوم، وأنا كنت صاحب الفكرة وكنت ببجح وأدافع عن الأغنية، بس بعترف دلوقتي إن ده كان غلط”.