بعد مرور 5 أيام.. يوتيوب يحذف أغنية “كدابة” لحسام حبيب.. ما القصة؟
كتب_جوهر الجمل
قام موقع الفيديوهات الشهير “يوتيوب” بحذف أغنية “كدابة” للفنان حسام حبيب بعد مرور 5 أيام على إطلاقها، وجاء قرار حذف الأغنية بسبب الاتهامات التي وجهها الملحن محمد شفيق لحسام حبيب وصناع أغنيته “كدابة” باقتباس مذهب الأغنية من أخرى أنتجها لمحمود عز منذ شهر تقريباً والتي تحمل اسم “بياعة”.
وقد رد الملحن والموزع إسلام رفعت يوم السبت على اتهامات المنتج والموزع محمد شفيق حول اقتباس الأول مذهب أغنية “كذابة”، من أغنية قدمها مؤخرا مطرب صاعد يدعى محمود عز من إنتاج شفيق.
ونشر إسلام رفعت فيديوهات يثبت بها أنه هو صاحب اللحن الأصلي لأغنية “كدابة” التي قدمها حسام حبيب مؤخراً، مشيراً إلى أنه تم سرقة موسيقاه، خيث كتب عبر حسابه بموقع Facebook، قائلاً: “انا مكنتش هرد .. بس مضطر ارد لان اللي بيحصل دة قلة ادب و تطاول، لسه جايلي تليفون دلوقت من صديق ليا بيقول اني في حد كاتب بوست اني واخد لحن اغنية حسام حبيب من اغنية لمغني انا اعرفه معرفة شخصية و اشتغلت معاه بالفعل و علاقتي بيه أنه مغني، وأنا ملحن وموزع يعني واضح مين اللي بيسمع من التاني”.
وتابع: أولا مستحيل مستحيل مستحيل انا اللي بقول انه يكون توارد افكار او خواطر او نغمات، أنا مسروق بالمللي وبالهارموني حتى، هو برافو عليه محاولة حلوة منه انه ينط علي بروباجندا حسام حبيب و يحاول نجيب سيرتة و يمكن تصيب معاه .. بس انا هخليها تصيب معاه انه يتشهر بأنه غير امين و معندوش ضمير نهائي.
وأضاف: “كل الناس عارفيني كويس وعارفين شخصيتي اني عمري ما اعمل حاجه “بالخسة دي” او بالسذاجة دي!! اني اخد حاجه إبداعية في اكتر حاجه بحبها و هي الموسيقي من حد او اقتبس جملة من هنا أو من هنا والحمدلله أعمالي كلها بتتكلم عني، الأغنية دي الشاعر عمرو المصري بعتلي كلامها من شهر مايو 2023 اللي فات تقريبا و انا لحنت الكلام وعملت شكل ليها وبعتناها لاكتر من مطرب من ضمنهم حسام و بالفعل كانت من نصيبة و الأغنية جاهزة من فترة كبيرة جدا و لكن حسام اللي كان بيأخر.. و مرفق في البوست فيديو انا مصورة بأيدي من الكمبيوتر بتاعي متوثق فية تاريخ الأغنية و صوتي في الديمو”.
وتابع رفعت: “الموزع شفيق كاتب ان اغنيتهم نازلة يوم 18/1، وحسام حبيب منزل خبر اغنية #كدابة من يوم 8/1 تقريبا ف اللي هو ازاي يعني!!! وأي حد يقدر يعمل سيرش علي جوجل ويتأكد من صحة كلامي”.
كما اختتم كلامه: “آخر حاجه عايز اقولها اني معايا كل ما يثبت ان اللحن بتاعي من مستندات واني هتخذ كل الإجراءات القانونية مع أي حد جاب سيرتي او اتكلم عليا بشكل مسئ و حاول ينط و عايز يتشهر”.
