بقلم : مروة احمد
الفكره انها مش حرب مين غلط ومين صح
كون اننا بنتعامل مع الزواج غلط او مش بنشوف راحتنا فيه ده للمره الألف مش عيب فى التطبيق عيب فى الاستخدام
ربنا لما شرع الزواج عشان حاجات كلها حلوه
احنا مبنحسش بده
يبقى عشان احنا بنستخدم التطبيق غلط
سواء من راجل او من ست
يعنى التعميم مرفوض على كل الرجال لأن فى رجال على قدر كبير من المسؤولية والاحترام ويستحق لقب رجل
وبرده قولنا ان ليس كل ذكر رجل
والتعميم مرفوض برده على كل النساء نكديه زنانه وغيره من الالقاب المعممه بالعكس فى نساء كتير جداً بتتقى الله فى زوجها واولادها وحياتها وتستحق كل التقدير والاحترام
وبرده ليس كل أنثى امرأة
الملخص فى العلاقات عموماً بتحكمنا كتير من القواعد اللى بيها نضمن اتزان العلاقه
وفى علاقة الزواج خصوصا
ربنا نزلنا التطبيق الزواج ومعاه الكتالوج من بداية الدخول فى العلاقه بداية من اختيار الزوج والزوجه الى العلاقه داخل البيوت والحقوق والواجبات فى الكتاب والسنه عشان نمشى بالكتالوج نوصل لاحسن نتيجه واطول مده من الراحه والاحساس بقيمة التطبيق فى حياتنا
احنا مش بنبص فى الكتالوج وماشين بدماغنا
يبقى احنا اللى بنستخدم غلط عشان كده بنتعب
هى لاعلاقه تنافسيه ولا هى حرب البقاء للاقوى
فى الزواج البقاء بسعاده للأصلح للأتقى
فى الزواج كل معانى الحب واسمى
فى كلمتى وصفهم الله واحسن وصفه الموده والرحمه
سيدنا عمر رضى الله عنه
عندما اراد رجل ان يطلق زوجته قال له “”ويحك!! أولم تبن البيوت إلا على الحب””
الموده والرحمه اشمل من كل كلمات الحب
مهما بحث احدهم عن الراحه فى علاقه محرمه
يزينها الشيطان أولا ثم والله لن يكون فيها خير أبدا
شئم المعصيه هيبقى واجعك ومش هتلاقى فيها خير برده
لاخير أبدا إلا فيما شرع الله
مش بكتب للزوج اهتم بالمرأة فيهاجم ويقول انه بيعمل اقصى ماعنده وهى لا تستحق
او
بكتب للزوجه تهاجم تقول انها عملت اقصى مالديها وهو لايستحق
أولا وأخيرا احنا بنعمل لله فى علاقه شرعها الله عشان نسعد ونرضى ونعف بعض لله
اى خلل من اطراف العلاقه هو محاسب عليه امام ربنا
اى تقصير من طرف بيوجع الطرف التانى له حسابه عند الله
ونرجع فى النهايه اذا حاولنا كل المحاولات للإصلاح كل طرف من الاخر ولم يجدى اى اصلاح برده لها رجوع للشرع الكتالوج اللى احنا بنخليه اخر حاجه
لو وضعنا الكتالوج اودامنا من البدايه للنهايه هتختلف كتير
سيظل الزواج اسمى علاقه مقدسه على وجه الأرض
كلامى مش لطرف ضد طرف ابدا
انما هو تذكره لنفسى وللجميع عن نعمه غاليه فى حياتنا
كتير يتمنوا انهم يلاقوها واحنا فى يوم كنا بنسعى ليها
زى نعم كتير بنتمناها واما تبقى فى ايدينا منحسش قيمتها
افضل ماقيل فى الزواج
بسم الله الرحمن الرحيم
((ومن آياته ان خلق لكم من انفسكم أزواجا لتسكنوا اليها وجعل بينكم مودة ورحمة))
