عصابه للنصب في سكن مصر التجمع الثالث خلو بالكو واسمعوا الحكايه دي
جالي مستأجر عن طريق سمسار عقاري وادعى انه مستشار في محكمه القاهر ه الجديده طبقا للقومي بتاعه ودخل الشقه وعاينها وصورت بطاقته الشخصيه ووقعنا العقد. وسلمناه مفتاح الشقه. وقال انا ذاهب الان لقسم الشرطه بالقطاميه لاسجل بياناتي لانني مستأجر جديد فطلبت منه أن ينزل معي الشهر العقاري لتوثيق العقد فتحجج بالمصاريف وقال القسم كفايه ولكنه وعد بعد يومين سيحضر لي
ثم طلب مفتاح باب العماره وقدرا سبحان الله ان الملاك كانوا قد غيروا مفاتيح البوابه للعماره بسبب تركيب الانتركوم ولم استلم منهم النسخه الجديده
فإضريت ساعتها ارن على جاري المتولي شؤن الملاك فنزل وسلمني المفتاح وتعرف على المستأجر ورأه رؤيا العين
ثم فوجئت بعد بضعه ساعات بجاري بيكلمني ويقولي تعالي حالا في شخص تاني غير اللي اجرتيله وعرفتيني عليه دخل شقتك بمفتاحك وغير الكالون وبيقول انه اشتري الشقه.
فجريت فورا للشقه ووجدت شاب سوري وزوجته مصريه في الشقه وبدأ ا يحكوا حكايتهم انهم قدموا في سكن مصر بمدينه أكتوبر من ٢٠١٧ ولكنهم لم يفوزوا في القرعه وان فيه شخص يدعي احمد حجاج كلمهم من وزاره الإسكان وبلغهم ان اسمهم نزل في القرعه وأخذوا شقه بس في سكن مصر التجمع الثالث مسلسل ١٣ وقالهم تعالوا عاينوا الشقه واستلموا المفتاح الان وهاتوا معاكم ٢٥٠ الف ج وفعلا قابلهم وسلمهم المفتاح بتاعي بنفس الميداليه اللي انا سلمتها للمستأجر الاولاني واطلعهم على ورق التخصيص حسب قولهم بدون اختام وكمان ارسلهم الصور على الواتس وقالهم تيجوا بكره تستلموا الورق مختوم واخد منهم الفلوس ومشي و المفاجئه ان الشاب السوري عندما افطن لانه اتنصب عليه فقالي لاتخاف الشقه بتاعتك انا اللي اتنصب عليا واخذ زوجته وانصرف بدون اي مشاكل
وكلمت مكتب السمسار العقاري اللي جاب لي النصاب جالي ولما عرف طب ومسك راسه وقالي نهار اسود ده الراجل ده واخد مني اربع شقق هذا الشهر في نفس المسلسل ثم بدأ يسأل سكان الشقق ليكتشف ان الراجل باع الشقق واللي ساكنين فاهمين انهم ملاك والملاك الأصليين لسه لم يكشفوا المصيبه لانهم واخدين شهر مقدم وكلها كام يوم ويكتشفوا ان شققهم اتاخدت منهم لما مايلاقوش ايجار بيندفع لهم.
المهم في الموضوع بيانات الناس اللي منزلتش في القرعه مين سربها من وزاره الإسكان للنصابين ؟
و بيانات الملاك اللى نزلت أسمائهم في القرعه مين سربها للسماسره ؟
البطايق طلعت مزوره وأرقام الموبيل مزوره والأوراق مزوره. ياجماعه النصاب ده كان لابس كمامه طول الوقت وبعد ماكتبت العقد ووقعته عملت له فنجان قهوه لاكتشف انه من غير شنب عكس صوره القومي ولكني ظننت انه حلق شنبه بعد كده اللي يكتب عقد ياخد صوره البطاقه الأول ويستعلم عليها من القسم اولا ولازم تاخد بصمه المستأجر على العقد ولازم تجبره يسجل العقد معاك في الشهر العقاري ولازم تقلعه الكمامه وتطابق صورته بالقومي
ارجوكم شير العصابه دي نازله تخلص على الشقق بسرعه في مده قصيره وعلى بال ما نكتشفهم على الاقل هيكون عدي شهر أو شهرين. ارجوكم شير علشان الجهات لازم تاخد خبر الحكايه مش حاله واحده احنا في ساعه اكتشفنا اربع حالات بعد ماشيرنا على جروبات خاصه اللهم بلغت اللهم فاشهد
