بعد قرار وزاره الصحة بضم 321 مستشفي في جميع المحافظات لتسهيل عمليه الفحص و الكشف عن فيروس كورونا ,

🤚من فضلك اسمع التعليمات دي عشان ترتاح و تريحنا معاك
👇👇👇
1- لو انت كويس و فكرت تروح مستشفى عشان تطمن علي نفسك فانت بنسبه كبيره ممكن تتصاب ، و تتعدي من المستشفي نفسها فبلاش تعرض نفسك وأهلك للخطر.

2 – ممنوع دخول اي مريض او مرافق لأي مستشفي بدون ارتداء كمامه بدايه من 30 مايو ” ماسك ” فياريت كنوع من حمايه نفسك و حمايه الأطقم الطبيه تشتري كمامه و تلبسها قبل دخولك للمستشفي.

3- لو حسيت بأي اعراض ( سخونيه/ كحه/ ضيق نفس) أو كنت مخالط لاي حد إيجابي مثلا،
هتروح الاستقبال و يتم فحصك و هيتعملك تحليل صوره دم و اشعه على الصدر .

4- لو تحليك كويس و فحصك كويس و اعراضك لا تتماشى مع كورونا – هتاخد علاج للاعراض و تروح بيتك سليم معافى .

5 – لو تحاليك و فحصك طلع اشتباه كورونا هيتم تقييم حالتك و يتعملك مسحه اختبار كورونا

6 – لو عندك اعراض بسيطه هيتصرفلك علاج للاعراض البسيطه و تروح بيتك تنتظر نتيجه مسحه اختبار كورونا

7- لو عندك اعراض متوسطه او شديده هتتحجز ف المستشفى لحين ظهور نتيجه مسحه اختبار كورونا

8- لو طلعت نتيجتك ايجابيه و حالتك مستقره هتتعزل ف بيتك، اه ف بيتك زي ما قريتها كدا و هتاخد علاجك معاك هناك

9 – لو نتيجتك ايجابيه و حالتك متوسطه هتتعزل في مدينه جامعيه او نزل شباب او فندق انت و نصيبك

10 – لو نتيجتك ايجابيه و حالتك غير مستقره يعني عندك اعراض شديده هتتحجز في مستشفي عزل

11 – بالنسبه لاهلنا في اي حته ف الجمهوريه يشوفوا المستشفيات اللي هيتم فيها الكلام دا في ملف كامل ب 321 مستشفي ف مصر كلها و تطلع محافظتك

12- المستشفيات دي كلها مش هتتحول عزل لأ دي هتبقى محطه للفرز و فحص المرضى و العزل المؤقت لحين ظهور نتيجه تحليلك , يعني فيها جزء هيشتغل كدا و باقي المستشفى شغال طبيعي .

13- مره تانيه بنكرر…… احنا ف وباء……
يعني لو رحت مستشفي و انت مش حاسس بأي اعراض افتكر انك ممكن تتعدي بكل سهوله فبلاش استسهال و بلاش استهلاك لموارد المستشفيات و انهاك للطاقم الطبي.
منقول بتصرف.
‏
مع تمنياتنا لجميع المرضى والمصابين بالشفاء العاجل.
حفظ الله البلاد والعباد
‏