تحس إن الفيروس ده جاء في وقت الناس كانت خلاص محتاجه قلم يفوقها من اللي هي فيه
☚قلم للسعودية على استهانتها بقدسية أرضها والحفلات والمسخرة اللي بتحصل قرب الحرمين الشريفين والإنحلال اللي ماشيين في طريقه بخطى ثابته
☚قلم لأمريكا والصين وأوروبا اللي طغوا وتجبروا على المسلمين وافتكروا أن مفيش قوة أكبر منهم
☚قلم لكل الدول العربية اللي انتشرت فيها كل أنواع القذارة من رقص وغني ومخدرات وعربده ولا كأنهم ولاد عم قريش واترفع فيها اللي مالهوش قيمه واتداس على الطبيب والعالم والمعلم والمهندس وكل اللي تعبوا بجد
☚قلم للمسلمين اللي بعدوا عن ربهم وعن مساجده في الأرض فمنعوا عنها بالإكراه فأصبح الشاب اللي كان بيكسل ينزل المسجد دلوقتي نفسه يعدي ويلاقيه مفتوح
قلم لكل من كان بيفوت صلاته ويكسل يقرأ القرآن إنه قد ايه قصر في حق ربه
☚قلم لبيوت المسلمين اللي اتفككت والارحام التي قطعت وأصبحت الأسره لا تجتمع إلا في المناسبات شكليا
☚قلم للي افتكر إن الموت بعيد عنه وعن أحبابه فقطع رحمه وخاصم أهله لأسباب دنيوية تافهه وفجأة لقي الناس بتتخطف من حوله
☚قلم لكل من تكبر بمنصبه فطغى في الأرض وأفسد مهما عليت فأنت أضعف من كائن لا يرى بالعين المجردة
☚قلم للعمال اللي كانوا بيسمعوا الأذان وبيخافوا على أكل عيشهم من ٥ دقايق يوقفوا فيها ونسيوا أن ربنا هو الرازق ونداء حي على الصلاة فوجدوا أنفسهم جالسين في بيوتهم بدون عمل وأشغالهم توقفت
✍الفيروس جه فجأه وللعالم كله بغض النظر عن الاختلافات العرقيه والحدودية وعوامل الطقس كأنه بيثبت للبشر أنهم واحد وكفايه عنصرية وغباء
⬅الفيروس ده جه قلم لينا كلنا بس يارب نفوق
✅فمن رحمة الله بالعباد أن يهديهم إليه طوعا ومن لم يستجب هداه إليه كرها، وهذا البلاء هداية بالإكراه وفرصه لإصلاح حالنا وبيوتنا وأن نتوب إليه سبحانه وأن نتضرع إليه.
👈( اللَّهُمَّ إِنِّي أَعُوذُ بِكَ مِنْ زَوَالِ نِعْمَتِكَ ، وَتَحَوُّلِ عَافِيَتِكَ ، وَفُجَاءَةِ نِقْمَتِكَ ، وَجَمِيعِ سَخَطِكَ )
