محمد عبدالمولي يكتب فليعلو صوتنا بتحيا مصر

وبعد انتهاء 25 يناير و28 يناير و كمان 29 يناير لازم تتذكروا جيدا ان من 9 سنين :

مصر كانت ريحتها شياط وحريق كاوتش
وزبالة و دم

كارفور واركاديا موول والصاغه ومحلات خان الخليلي وهايبرز ومحلات كتير غيرهم
كانت متكسره ومسروقه،،،

لجان شعبية تحت كل بيت والرجاله سهرانه بعصيان وسلاح طول الليل وبينادوا على بعض اصحى!

العائلات مرعوبه وكله حاطط شومه في عربيته عشان يدافع عن نفسه لو حد ثبته

كل الناس ركبت اقفال على بيوتها وانتركم وماحدش بينزل الا للضروره فقط

اصوات طلق ناري ومدرعات جيش واستغاثات
في كل مكان في البلد،،،

موتوسيكلات مريبه عليها دقون ومنتقبات
بتلف في الشوارع لاثارة الفوضى وبث الرعب

اخبار عن اقتحام الاقسام وفتح السجون وقتل الضباط والعساكر وسرقة سلاح وتدمير وحرق مدرعات شرطه بعساكرها وظباطها احياء

هروب ارهابيين قتالييين قتله ومعتادي اجرام وبلطجيه وفوضى مؤكده وشرطه مكسوره ومنهاره وغير موجوده تماما على الخريطة الامنيه ولا الجغرافيه المصريه،،،،
..
الناس كانت تنزل تشتري طلبات البيت تلاقي السوبرماركت زحمه بالطوابير واسعار السلع تضاعفت ومش موجوده
ومفيش كروت موبايل مش وموبايلات ميته
وبلد بتموت بالبطيء واشاعات مرعبه
عن اننا مش هنلاقي مواد تموينيه وان كل
البنوك اتنهبت وماكينات الصرف اتكسرت ومطارات مقفوله،،،،

بكاء هستيري ليل ونهار والتلفزيون مفتوح على الجزيره الحقيره24×7 .. ماحدش عارف الحقيقه فين ولا ايه اللي بيحصل..

مشاهد قتل وقنص في الرأس جايباها الجزيره
لايف الساعه 3 الصبح من التحرير وضواحيه

يااااااااااه ايام سوداء والعياذ بالله
ادينا بنفتكر كنا في ايه وبقينا في ايه…
كنا رايحين على فين وربنا نجدنا منه ازاي
الحمد لله الف مره على نعمة الوطن والامان ..

شكرا للعظيم الراحل رجل الرجال
العقرب السام على اعداءنا عمر سليمان

شكرا الثعلب العجوز المشير طنطاوي

شكرا جيش مصر العظيم

شكرا لكل بطل في شرطتنا المحترمه القويه

شكرا للانسان الكبير عبد الفتاح السيسي
رجل لهذا الزمان …