بحبك يا أهلي وبموت في الزمالك
زملكاوي طبعا وبالكاس ببارك
لكن يا أهلي اصحابي وأهلي طيب ازاي نعارك
بدال مانفرح في بعض نجرح وليه ده كله ده الدم كله اهلي وزمالك
مبادرة حبايب عشانك يامصر واهلي وزمالك دايما في نصر والكل يهني وكمان يشارك
مين اللي قال نزرع عداوة ده اهلي وزمالك زايدين غلاوة ورافعين راياتك في كل المعارك
ليه يامصر سايبة العيال عاوزينها فتنة مليون محال عاوزين نوسع ياخلق المدارك
ياسيسي انت تقود الزمام وتقول يااخوة مليون حرام الفتنة حتما تقود للمهالك
الصلح خير بين الحبايب وكله يحضر ولاحد غايب وأكيد نشارك
ونقدم قدوة لكل الولاد ونحرس بلدنا ام البلاد وبيبو يحضر وابو احمد يشارك
ودعوة جميلة لكل الشباب والكل حاضر مفيش حد غاب وطريق المحبة مفتوح وسالك
ننافس ونلعب واي حد فينا هيكسب نهني بشياكة ونيجي ونبارك
وان كنت عندي انا بكرة عندك وتهنيني النهاردة وانا بكرة ابارك
يامعالي المستشار ارفع للسماحة مليون شعار وياريت يااخوانا حبة سكات وننسي النهاردة كل اللي فات ويابيبو ده انت رمز المحبة خلينا دايما نفضل أحبة هي مصر ناقصة حروب او معارك
السوبر جاي ويبقي الميعاد ونحضر جميعا في حب ووداد ونبدل شعارنا اهلي وزمالك
ونحفظ ولادنا دروس الاحترام وتكون البطولة دي مسك الختام
واللي يكسب علي طول نبارك
ومن حقه يفرح من غير مايجرح وحقه علينا معاه نشارك
ياريت رسالتي تلاقي استجابة وتمس قلوبكم بطيبة وطيابة
والشعب كله كمان يشارك
حسام يحيي الزملكاوي
