جالى علام بيضحك وبيقول: سمعت الاخبار يا استاذ.
قلت له: قول اخر الهري ايه؟
قال لى علام : احتمال وزيرة الصحة ترجع.
قلت له : اسكت … الناس ممكن تزعل لو سمعت الهري دا.
ضحك بثقه: يا استاذ سؤال ليك… ماذا لو طلعت بريئة؟
قلت له: الحكاية مش ناقصه دوشة… هى ست مثيرة للجدل… ومش عارفه تكسب الناس.
قال لى: على فكرة لحد دلوقتى مفيش عليها اتهام واحد.
اندهشت: يا علام انت عاوز ترجعها ليه … خلاص ندور على حد جديد.
استغرب علام: يا استاذ لسه هنجيب وزير جديد تانى.
قلت له: الدكتور خالد عبد الغفار مناسب للموقع دا جدا … وزيرا للصحة.
فتح بقه علام؛ وحاول اخفاء دهشته وسأل: طيب ومين يمسك مكانه.
قلت له: الدكتور الخشت افضل واحد ينفع يطهر الجامعات من الخرفان واعوانهم.
زعل علام ومش وهو بيقول … يا رب وزيرة الصحة ترجع وتكيد اعداذها يا رب … وتمسكنى متحدث اعلامى لها.
