🔹 *مصل الكورونا*🔹
حاولنا نجيبلكم معلومات مختصرة و مفيدة قدر الإمكان..
فى البداية هنقول نبذة مختصرة عن تطعيم كورونا وبعدها هنستعرض اهم الأسئلة اللي بتخطر على بال معظم الناس:
التطعيمات المتوفرة فى مصر نوعين:
1️⃣ *المصل الصيني ( Sinopharm vaccine ):*
وده فكرته ببساطة انى باخد الفيروس الميت الغير نشط ( killed vaccine ) و أحقنه فى جسم الإنسان وبكده الجسم هيبدأ يكون أجسام مضادة هتكون قادرة فيما بعد للتصدي للفيروس الحقيقي النشط والمحصلة في الآخر إنك بقيت محمي من العدوى وده فكرة أغلب الامصال اللي موجودة عندنا فى مصر
2️⃣ *مصل AstraZeneca وده اللي صنعته جامعة Oxford في بريطانيا:*
ودة فكرته متقدمه شوية انهم بياخدوا جزء من الحمض النووى (spike protein ) للفيروس الحي ويحقنوه بطريقة معينة في جسم الإنسان ( live attenuated vaccine ) وبعدها برضه الجسم يبدأ يكوّن أجسام مضادة تقدر تكون قادرة ومستعدة لمواجهة فيرس الكورونا فيما بعد.
🔹 *نيجي للأسئلة بقى:*
▪️ *مين أهم الفئات اللي المفروض تاخد المصل ؟*
في ظل تزايد الأعداد حاليا كله المفروض ياخده انما برضه الأولوية للطاقم الطبي وأصحاب الأمراض المزمنة من الضغط والسكر وخلافه وكبار السن
▪️ *أنا اتصبت بكورونا هل آخد المصل و امتى؟*
آه حضرتك ممكن تاخد المصل بس بعد ٣ شهور من الإصابة.. لانه ببساطة الإصابة كوّنت عندك أجسام مضادة مفروض تستمر ٣ شهور..
▪️ *أنا عندى دور برد هل آخد المصل؟*
ممنوع تاخد المصل وانت عندك دور برد إلا بعد ما تتأكد تماما انه الدور ده مش كورونا وكمان الأعراض تنتهى عندك تماماً
▪️ *آخد كام جرعة ؟*
التطعيمات بتكون على جرعتين بينهم من ٣ ل ٤ اسابيع في اللقاح الصيني.. و 3 شهور في استرازينيكا
🔸 *مصل AstraZeneca بيسبب تجلطات ؟!*🔸
(هام جدا )
فى انجلترا لقوا ان كل مليون اتطعمو بمصل AstraZeneca فيهم حوالي ٤ اشخاص اتعرضوا لجلطات وطبعا مش كلهم ماتوا و ده كان سببه وجود أجسام مضادة للصفائح الدموية ولذلك النوع ده من التجلطات لو انا خدتله مضادات التجلطات ال هو من عائلة Heparin كما هو شائع هتكون الحالة قاتلة لانه كدا عدد الصفائح هتقل اكتر…
*يعنى ناخده ولا لأ ؟؟*
ايوة ناخده لاننا انا بنتكلم عن ٤ حالات لكل مليون ومش كل ال ٤ حالات قاتلة وانجلترا إلى الان شغاله تطعيم ومبطلتش
*هل ممكن اخد مضادات تجلط او أسبرين احتياطيا بعد مصل AstraZeneca؟*
اختلفت الأقوال و الطرق في التعامل مع اللقاح ده الحقيقة..
منهم اللي قال ملوش لازمة..
دُوَل تانية بتدي دوا سيولة يومين فقط..
دكاترة قالوا اسبرين فقط للاحتياط.. فا مفيش كتالوج معين و مفيش حد غلط
*ايه الافضل الصينى ولا AstraZeneca؟*
الاتنين كويسين بس في تفاوت بسيط فى تكوين الأجسام المضادة
الصيني حوالى ٨٤%
و AstraZeneca حوالى ٩٢%
🔹 *سؤال تاني.. حضرتك أنا أخدت المصل وظهر عندي أعراض سخونية وتكسير وهمدان زي اعراض الكورونا بالظبط ايه تفسير ده و حلّه ؟*
لا حضرتك دى اعراض عادية للمصل. (constitutional symptoms) ما تقلقش منها.. اهم حاجة الزم الراحة والسوايل الكتير وخد باراسيتامول قرصين / ٨ ساعات لحين اختفاء الأعراض
*هل الحوامل تاخد المصل؟*
لا
*هل في تحليل معين ممكن اعمله قبل المصل ؟؟*
والله حضرتك بعض الدول بتعمل وانت حضرتك لو عايز تعمل اعمل
IgG
وده اللي هيثبت انك عندك اجسام مضادة وبالتالى المصل مش هيكون له قيمة ف الوقت الحالي
IgM
وده اللي هيثبت انه عندك عدوى حديثة لسة موجودة
(recent infection)
وبالتالى مت ينفعش ناخد المصل( flaring of infection )
بس من فضلك لو عايز تعمل دول اعملهم ELISA مش Rapid
*المصل هيديني مناعة لمدة قد ايه ؟*
الأجسام المضادة بتفضل ف الجسم لشهور معظم الابحاث بتقول من ٤ ل ٦ شهور انما بقى بعد الفترة دي فى خلية محترمة بتفضل موجودة لفترة اطول بكتير يقال انها بتفضل لسنوات ودي برضه بتساعد ف المناعة والخلية دى اسمها Memory B cell
❗ *أخيـــرا:*
الكورونا حاليا تضرب بضراوة ولا تستثني أحدا.. مرض قتل اكتر من ٣ مليون ف العالم كله ولسة شغال.. اعلم ان وسائل الإنقاذ حاليا ليك ولغيرك بتتمثل فى : المصل + الكمامة + التباعد الاجتماعى ..
اعقلها وتوكل
دمتم في حفظ الرحمن 🌷
