حسن شاكوش يفتح النار على محمود العسيلي … هنقعدكم في بيتكم
.. وفاء عبد السلام
رد مطرب المهرجانات حسن شاكوش على التصريحات التي أدلى بها محمود العسيلي في أحد البرامج التليفزيونية، مؤكدا أن المهرجانات موجودة ولها جمهور عريض ولن تموت ؛ لأنها من تراث الفن الشعبي.
خرج حسن شاكوش في لايف مباشر على حسابه الرسمي بموقع انستجرام، وعبر عن استيائه لما قاله محمود العسيلي في أحد البرامج التليفزيونية بشأن المهرجانات وقال: “الناس ما بتصدق تسمع أغنية شعبي ليا أو لأى مطرب شعبي زي حموبيكا وعمر كمال، وبيحبوا يسمعوا أغاني بتاعتنا عشان بنطلع الواحد من المود”.
وتابع حسن شاكوش: “كل نجم ليه وقت، ولازم يأخد هدنة بس لما بيرجع بيطلع حاجات هتقعدكم في بيتكم وإحنا مجال المزيكا بتاعتنا والمهرجان والغنوة الشعبي ده مش هيموت، الناس تعبت من كتر الاكتئاب.. والأغاني اللى بتجيب الاكتئاب وبتجيب ملل وبتعقد الناس. أنا مثلا كحسن شاكوش لما بسمع أغنية لشيرين عبد الوهاب ببقي عايش مود الأغنية”.
واختتم حسن شاكوش: “أغاني المهرجانات مكملة، وإحنا لسه بنبتدي في حياتنا ولسه صغيرين، ومفيش واحد فينا عدى الـ 35 سنة وإن شاء الله مكملين في النجاح، والنجاح اللي احنا فيه وقدمناه يشغلنا ويعيشنا 20 سنة قدام، بس إحنا مش اخرنا كده، إحنا عايزين نطور ونجدد”.
وكان محمود العسيلي قد ذكر خلال حلوله ضيفا في برنامج حبر سري مع الإعلامية أسما ابراهيم والذي يعرض على قناة “القاهرة والناس” أن المهرجانات تراجعت بشكل كبير وقال: “لدنيا بتتغير المهرجانات كانت موضة والترند بيتغير مع الوقت وجت لهم فترة كانوا الحاجة المناسبة للذوق العام ودلوقتي اختفوا شوية عشان مش بيجددوا وبقى الراب هو الترند ومكسر الدنيا”.
