الصورة طلعت حلوة والزمالك احلي غنوة
مدرسة الفن والهندسة فتحت ابوابها وفرحت بالبطولة والفن الراقي كل احبابها
والنهاية كانت حلوة
ميتشو قدم اوراق اعتماده ولسوع بيراميدز وولاده وعواد حافظ علي ارضه ودافع عن شرفه وعرضه ومحمود علاء بقي مثل وقدوة
وعبدالغني بوجه طفولي وقلب اسد كان فعلا ولد والنقاز وعبد الشافي الأداء راقي ووافي سيمفونية بجد حلوة
والبطل الجامد طارق حامد رمز الرجولة في شخصيته البطولة وفرجاني ساسي في قلبي وتاج راسي له علي قلوبنا بجد سطوة
والملك اوباما والأباتشي شيكا دي مش كورة دي مزيكا تمريرة روعة والحطة حلوة
وبن شرقي لوحده ده حدوتة تانية مالي الملعب في كل ثانية جاهز وحاضر ولجمهورنا جابر لكل الخواطر سريع كأنه بألف خطوة
ومصطفي يامصطفي انا بحبك يارمز الوفا مستقبل مصر مش بس الزمالك لكل خصومك فتاك وهالك ربي يحميك في كل خطوة
واوناجم اتاريه حكاية وامام عاشور ده لوحده ايه صغير في سنه لكن معلم يخلي المدافع يوقف يبلم ويعدي بيها تقولشي غنوة
وحتي اللي برة حاضر وجاهز لوتعوذه في لحظة ناجز الروح جميلة ومواهب فعلا تقيلة ورجالة تاكل بقلوبها النجيلة علشان جمهورهم يعشق ويهوي
شكرا مرتضي انت وامير وكل الأدارة كبير وكبير ويازمالك من غيرك مانسوي
الفين مبروك علي الرجالة وادارة واعية وشغالة وجهاز فني هيجنني في يومين بقي عند الجمهور اجمل غنوة
مبروك للملكي وجماهيره بشخصية البطل دايما هيرو وقولي مين ينفع غيره
من غيره الصورة ماهيش حلوة
حسام يحيي الزملكاوي
مبروك للزمالك
