لا بالصرف ولا بالفلوس ولا بالمظاهر ؟؟!!لكن بالبساطة والرضا والحب الحقيقى والدعم والتشجيع ممكن تعمل المستحيل
لما تسمع الحوار الجميل بين ابو جبل والست المصرية الاصيلة الجميلة والدته….واللى بتمثل شريحة كبيرة من امهات مصريات موجودات بالفعل بكثرة….لكن للاسف التركيز الاعلامى دايما على النماذج الغلط…..لما تسمع الحوار بينهم …وتحس بقلب الام اللى ربت وتعبت ودعمت وشجعت وادت الثقة لحد ما ابنها وصل ان اسمه اصبح على كل لسان…..
وتسمعها وهى بتقوله ازيك يا جبل مصر …ده الاسم اللى هى مسمياه له ❤
لما تسمع فخر ابو جبل وشكره لامه اللى كانت اكتر حد بيدعمه ويقويه زى ما قال
فهى ترد عليه باستغراب وتقوله …بتشكر روحى؟؟؟ ما انت انت روحى وجلبى (قلبى)
ولما تاكد على بره بها و تقول له بلهجتها الصعيدية الجميلة….ما حدش حنين كديه (اده) …وبعدين تشكر فى كل اخواته كمان…
حقيقى نموذج جميل للاسرة المصرية الحقيقية …اللى بتربى فى صمت …من غير الشكوى والململة اللى بنسمعها من ماميز اليومين دول…..واللى فى الاخر ورغم الصرف بالالاف بيطلعوا لنا عيل عاالة على المجتمع …ضعيف الشخصية….عايز يغش وينجح من غير تعب ولا مجهود. !!!
والنجاح مش بس علم على فكرة……النجاح هو قدرة توجيه الاهل لولادهم للمجال اللى يحبوه….وفوق كل ده انهم يحسنوا تربيتهم ويعلموهم على الشكر واحترام الكبير…..الادب فضلوه على العلم
شكرا للسيدة الجميلة ام الجبل ….كلنا فخر بكى وبجبل مصر
