حد يصدق إن دي بلد طالعة من ثورتين ومقاطعة دولية وافريقية من ٥سنين؟؟؟
بالذمة ده شكل بلد مكانش عندها كهرباء ولا بنزين ولا غاز ولا فلوس تشتري بيها من ٥سنين؟؟؟
هل يعقل إن دي صورة لبلد وقعت فيها طيارة وحصل إجلاء للسياح منها وحظر سفر من ٤سنين؟؟؟
معقولة تكون دي بلد عدي عليها التعويم ورفع الدعم والإرهاب وانهيار السياحة والاحتياطي النقدي؟؟؟
هي دي نفسها البلد اللي شافت خطف الأطفال والعربيات وكان أهلها بيحرسوا بيوتهم بالشوم والسكاكين من ٨ سنين؟؟؟
إياك تنسي أن دي البلد اللي اغتالوا فيها النائب العام وحاولوا مع وزير الداخلية والدفاع وفجروا مديرياتها وأقسامها لغاية ما افتكروا إنها مش هتقوملها قومة….
اقسم بالله دي البلد اللي كانت بتزف شهدائها يوميا للجنة من المنسي لمبروك لابوشقرة لعمر القاضي وآلاف غيرهم من خيرة شبابها
مين يتخيل إن البلد دي نظمت بطولتين قاريتين في شهرين وفي الوقت اللي جيرانها ليبيا والسودان وسوريا واليمن والعراق عندهم مناطق ماتقدرش تلعب فيها عشرتين طاولة مع اصحابك؟؟؟
لسة مستغربين إنهم مخصصين قنوات وصحف ومواقع للهجوم علينا ٢٤ساعة يوميا بقيادة منتخب الخونة مطر وناصر وأبو الزوابيع ونكتة الموسم محمه علي كائد المكاومة وزعيم الكوي السياسية الهربان في ازبانيا ؟؟
ازاي مش عايزينهم يتغاظوا ويولعوا وهما شايفين إختيار مصر في أسبوع واحد ،أفضل مقصد سياحي في العالم وتاني افضل مقصد للغطس في العالم وثامن دول العالم في الأمن والثانية عربيا وصاحبة أعلي معدلات نمو اقتصادي وسياحي في العالم؟؟؟؟
عمري ماترددت لحظة في دعم البلد دي رغم فزاعة التطبيل إياها ودايما بقول ان الإنجازات تستحق الإشادة والتشجيع أما الإخفاقات احنا وراها لغاية ماننجحها عشان في النهاية…….
تحيامصر
يامصرمايهزك_ريح
انامصر_انتوا_مين
