حسن موسى المدير التنفيذي الجديد لنادي الزمالك
الحمدلله اول مرة احس ان كل شعب الزمالك ورموزه وقيادته الإداريه والفنيه كلموني انهم في ضهر الزمالك، والكل مستعد يعمل اي حاجه علشان النادي يكون رقم واحد وده اول مرة اشوفه.
شايف تكاتف مثمر وحسيته فعلا من الجميع، وسعيد جدا ومتفائل من اول يوم ان مستقبل الزمالك بخير.
الزمالك غني بابناءه وقياداته، ومفيش مشكله واحده علشان حد يذكرها حصلت اليوم، واي مشكله ظهرت اتحلت بسهوله، وبطمن الجمهور والاعضاء المستقبل جميل ومثمر.
الكل متكاتف وكل الازمات في ملف اتحط قدام رموز النادي واخطروني ان مفيش ازمات ماليه او اداريه وكل الامور هتتحل، رموز النادي ورجال الاعمال متكاتفين وحسيت بده واول 24 ساعه الدنيا تمام وماشيه في الطريق الصح.
ملف فريق الكرة يعتبر متاخد اشواط جامده فيه، وان شاء الله زيزو وفتوح هيبقوا موجودين مع الفريق، في جلسه مع المدرب بكره وكل الامور هتتحل ان شاء الله وهتتفحص كل طلباته وهتتنفذ.
معنديش فكرة عن تجديد أحمدفتوح ولكن اول ما اعرف ان فتوح هيجدد هقول، جالي تليفون ان كابتن زيزو باقي في الزمالك وده كان من رجال اعمال.
الامور الفنيه هتدرس مع مدير النشاط الرياضي، اول لما هنبلغ الجهه الاداريه اننا جاهزين للجمعيه العموميه هنبدا في اجراءات الانتخابات .
بطمن الجمهور جدا جدا وتفائل الزمالك ثم الزمالك ثم الزمالك. 
