اللواء خيرت شكرى وكيل جهاز مباحث امن الدولة السابق … كتب:
طريقة القبض على الإرهابي حسام منوفي تشيطن التنظيم ، وده واضح من ردود الأفعال ، لأنها عملية مستوى الاداء والتنفيذ فيها عالي قوي ، حاجة كده من الخيال السينمائي ، وشغل مخابراتي يدّرس .
انا ميهمنيش وضع المنوفي التنظيمي ، لأن المخابرات مش حا تتحرك بالصورة دي علشان واحد ” هفيه ” فأكيد صيد ثمين يستاهل الشغل ده ، وده اللي مخلي الإعلام الإخواني شايط ومولع ، ويجي واحد زي معتز مطر يشكك في وضع المنوفي التنظيمي والتهم المنسوبة اليه ، وده كلام ما يهمش السلطات المصرية في حاجة ، الواد تم سؤاله إمام جهات التحقيق ، و بيتحاكم دلوقت .
حسام المنوفي كان من ضمن المبلغين عنهم ” اختفاء قسري ” ومسجل في كشوف منظمات حقوق الإنسان المشبوهة بأنه مختفي قسريا ، ودي النقطة اللي لازم نتناولها إعلاميا وبصورة مكثفة ، لكشف وفضح ما تمارسه هذه المنظمات تجاه مصر ، وأعتقد في حالات كثيرة ابلغ عنها ” اختفاء قسري ” وتبين هروبها من البلاد و مشاركتها مع إرهابين داعش في سوريا والعراق .
لا يهمني القبض على الإرهابي حسام منوف ، لكن ما يهمني طريقة القبض عليه ولا أروع ، وكيفية الاستفادة من القبض علية إعلامياً وحقوقياً .
